စစ်တပ်ပစ်သတ်သည့် ပဲခူးဆရာတော်မှာ အာဏာသိမ်းမှုကို ဆန့်ကျင်သူဖြစ်
……………
မန္တလေးတိုင်း၊ ငါန်းဇွန်မြို့နယ်ထဲက လမ်းခုလတ်မှာ စစ်ကောင်စီတပ်ဖွဲ့ဝင်တွေ သေနတ်နဲ့ဝိုင်းပစ်လို့ ဗုဒ္ဓဟူးနေ့က ပျံတော်မူသွားတဲ့ ပဲခူးမြို့က ဝင်းနိမ္မိတာရုံကျောင်းတိုက်ဆရာတော်၊ ဘဒ္ဒန္တမုနိန္ဒာဘိဝံသဟာ စစ်အာဏာသိမ်းမှုကို လူသိရှင်ကြား ဆန့်ကျင်ကန့်ကွက်ခဲ့တဲ့ စာပေကျန်းဂန် အကျော်အမော် ရဟန်းတော်စ်ပါး ဖြစ်ပါတယ်။
စစ်ကောင်စီတပ်ဖွဲ့တွေ ဖောကားပေါ်ကနေ သေနတ်နဲ့ဝိုင်းပစ်လို့ ပဲခူးဆရာတော် ပျံလွန်တော်မူရတာလို့ မျက်မြင်သက်သေဖြစ်တဲ့ ကန်သုံးဆင့်ကျောင်းတိုက်ဆရာတော်ရဲ့ မနေ့က မိန့်ကြားချက်အပြည့်အစုံကြောင့် စစ်ကောင်စီရဲ့ လိမ်လည်ထုတ်ပြန်မှုဟာ ပေါ်လွင်သွားခဲ့ပါပြီ။
ကန်သုံးဆင့်ကျောင်းတိုက်ဆရာတော်ကြီးကိုလည်း စစ်ကောင်စီတပ်က မန္တလေးနန်းတွင်းစစ်ကြောရေးထဲအထိခေါ်ပြီး၊ အချိန်အတန်ကြာ စစ်ဆေးခဲ့ပါတယ်။ ထေကြီးဝါကြီးဆရာတော်ကြီးတစ်ပါး ဖြစ်လို့ ပြန်လွတ်ပေးလိုက်လို့သာ သီလဂုဏ်မြဲမြံတဲ့ ဆရာတော်ကြီးရဲ့ ဖြစ်စဉ်အမှန်မိန့်ကြားချက်ကို ပြည်သူအများ ကြားသိခွင့်ရခဲ့တာပါ။
ဒီနေရာမှာ သာမန်််််််ရဟန်းတော်တစ်ပါးဆိုရင် ပြန်မလွတ်ပေးတော့ဘဲ ဖမ်းဆီးလိုက်တာ ဒါမှမဟုတ် နှုတ်ပိတ်လိုက်တာမျိုးအထိ စစ်တပ်က ကျူးလွန်မှာ အသေအချာပဲ ဖြစ်ပါတယ်။
