Toptube Video Search Engine

#Rameshmusical #rameshblessy Jagathapalli , Bethany agape ranukun saring Bo tabmedage sidrung anomdrengkenan munkababen abardulai. 09/02/2021 lingan Kan baran deli. Kun sanle anlen kanena asabjalai. Kan lingan oante anardod dakulenden tabmadlenba. Anomdreng ken Full song: https://youtu.be/6Xnp4DlFgdU LAXMI DO SUBHASH ANOMDRENG SANENSENKIN 09-02-2021 Pallavi: Ganardi kitunglen asentam Tanimyem jisulen alemtam Marid jangardan apemengtam Nami dinnaling kan a royongling Nami dinnaling kan a royonglingan 1.Purban adinnalingan - Adam do oban ado’ng Sidrung janurdin tiyle - Anogalnam abojoraile Nami janangden kitung - Laxmi do subhash ado'ng Sidrung janurdin tiyte - Biyo dinnalingan la… Mano’ih dinnaling danukadam Erdika dinnaling kanudidam //2// E…yaying… e… tonan… Do’nglen omdale yerte aman E…Garding… e… Sango… Do’nglen omdrengle yerte aman//2// 2. Kulojan u’anam ado’ng - Omdale yerte aman Selojan yangnam ado’ng - Omdrengle yerte aman Ubba yayinamji ado’ng - Omdale yerte aman Dadi yayangnamji ado’ng - Omdrengle yerte aman Monnalinglen ateng danukkadam Je’linglen ateng kanudidam //2// E… yaying… e… tonan… U’a - yangnam omdale yerte la… E… Garding… e… Sango… Birindanam Omdrengle yerte la…//2// 3. Baru jannong guddangnamji - Omdale yerte aman la Si’ng darakunanamji - Arikkadam dete tonan Harana godnamji yaying - Bar okij aman adgije Turdu gardinamji ado’ng - Rapti mailen addakune Monnalinglen ateng danukkadam Je’linglen ateng kanudidam //2// E… yaying… e… tonan… Gardi boinamji omdale yerte E… Garding… e… Sango… Sango boinamji omdrengle yerte//2// 4. Jagathapalli gorjangling - Bethani Agape ranukkun saring Ahimnam ganosod dete - Ahimnam ganadgad dete Ranukkuling dernaboige - Aman dakulam yaying la Ranukkuling aman tonan - Arabsuijge aman halen Tanakkud sikkoja dernalingan - Radule tananga e tonan//2// E… yaying… e… tonan… Gorjangan omdale yerte aman E… Garding… e… Sango… Ranukkun omdrengle yerte aman//2// 5. Nami saring rayam aman - Silengnam asurpidtai la Nami saring baung aman - Ranan saring aurge handrama Kanalkal ayamlingan la - Omdrenglela sedong aman Aboje’n dele amben - Kitunglingan tanangba la Mano'ihnling tarda ayam dakunaba Erdikaling ditordong dakunaba//2// E… yaying… e… tonan… Kunin ate birindahen gama E… Garding… e… Sango… Kunin ate u’a-yanghenji gama//2// 6. Kani kanenkenan batte - Do’ngnam aomdrengtai yaying Kani ranairajan batte - Do’ngnam aomdatai tonan Kani kanenkenlinglen la - Anardoden tabmadlenba Kani ranairailinglen la - Ergalamden hanghanglenba Teridsilen alemtaben la - Jongrabsilen alemtaben la//2// E… yaying… e… tonan… Danukkanam aman omdrenga la… E… Garding… e… Sango… Mano’ihling aman dakuna la…//2// La... La... La... La... La... La... La... La... La.... La... Kuddubben alemtaben.🙏🙏🙏 Bar okij anlen apsele garberlenba. Pavani & Somayya Sidrung Anomdreng: https://youtu.be/uHNL1TitlpQ