Un día desembarcaba
al otru llau de la mar,
a munchos díes de casa.
Una moza vendía perles
y corales en mercáu.
"¿Cuánto quies por eses perles?"
"Pa los demás por dineru;
pa ti de baldre si en prenda
quixeres quedar tu mesmu".
(Pie)
Otres tierres. Hai otres tierres.
Munches riberes mueya la mar.
Viaxarás lloñe, triyarás mundu,
pero a la fin habrás recordar
qu'en toles tierres yes estranxeru
menos na d'esti llau de la mar.
"Nun puedo comprales, perla
y coralín encarnáu,
nun puedo comprales, perla,
porque otra moza quedó
coles llaves de mio casa
nel bon puertu de Xixón
porque otra moza quedó
coles llaves de mio casa
y les del mio corazón. (pie)
Nel bon puertu de Xixón,
al otru llau de la mar,
onde ye más fuerte el sol,
onde ye más suave l'agua,
onde l'aire güel a ocle
y ye tibio la roxada.
Al otru llau de la mar,
esa filera de montes
que ñaguo por avistar." (pie)
